MuusuSTAR бэстибээлгэ «твоя и100рия» иһинэн аан бастакытын «Литература» диэн трек ыытыллар.
Маннык литературнай трек Национальнай бибилэтиэкэ уонна бүтүн Дьокуускай куорат киин бибилэтиэкэлэрин ситимнэринэн ыытыллыаҕа. Ол курдук, СМАРТ бибилэтиэкэ, «Кэскил» оҕо издательствота уонна Саха сирин эдэр литератордарын сэбиэтин көҕүлээһининэн ыытыллар. Трек сүрүн соруга – ыччакка, үүнэр көлүөнэҕэ төрөөбүт дойдуга таптал, бэриниилээх буолуу туһунан өйдөбүллэри уһугуннарарга туһуланар. «Литература» трек чэрчитинэн «Мин төрөөбүт Арассыыйам» диэн хоһоон куонкуруһа ыытыллар.
Бэстибээл кыттыылаахтара, ыалдьыттара бу треккэ холонон көрүөхтэрин сөп. Кинигэ быыстапкатыгар, аан дойду Marvel DC комикстарын кэлэн көрүөхтэрин, араас остуол ооньууларыгар оонньоон, автограф-сессияҕа кыттан сэргэхсийиэхтэрин сөп. Бу тэрээһин сарсын, кулун тутар 26 күнүгэр, «Триумф» успуорт уораҕайыгар күнүс 15:00 чаастан ыытыллыаҕа.
Бэлиэтээн эттэххэ, бэстибээл СӨ Бырабыыталыстыбатын уонна Росмолодежь тэрийиитинэн ыытыллар. Генеральнай партнердарынан «Эльгауголь “ уонна “Якутия» авиахампаанньа, “Транснефть” тэрилтэлэр буолаллар. Оттон информационнай партнердарынан — МУЗ-ТВ, Rutube, ВКонтакте ааттыыбыт.
Ульяна ЗАХАРОВА.