Өктөмнөөҕү (Хаҥалас) лиссиэй 3 «б» кылааһын үөрэнээччилэрэ, кылаас салайааччыта Ганна Николаевна Баякинова, төрөппүттэр Айталина Лонгинова, Ирина Антонова, Елена Иванова, Марина Слепцова нэһилиэк ыһыахтыыр сирин ыраастааһыҥҥа күүс-көмө буоллубут.
Бу тэрээһин кылааска төрөппүт сэбиэтин тэрийиитинэн ыытылынна. Оҕолорго Үтүө дьулуур сыла биллэриллибитин өссө биирдэ тоһоҕолоон кэпсээтибит. Оҕолор кыраларбыт диэбэттэр — үтүө дьыаланы оҥорууга ис дууһаларыттан көмө буолаллара киһини, төрөппүттэри үөрдэр. Оҕо маннык тэрээһиннэртэн төрөөбүт дойдутугар, айылҕаҕа сыһыана өссө дириҥиир. Биһиги кылаас оҕолоро уонна төрөппүттэрэ биир түгэнинэн тохтоон хаалбакка, сылын аайы араас хайысхалаах үлэлэри ыытыахпыт диэн биир санааҕа кэллибит. 3 «б» кылаас оҕолорун түмсүүтэ атын нэһилиэктэргэ үтүө холобур буолуоҕа диэн эрэнэбит.
Марина СЛЕПЦОВА, edersaas.ru саайтка анаан.
+1
+1
+1
+1
+1
+1
+1