Саха Өрөспүүбүлүкэтин Ил Дарханын уонна Бырабыыталыстыбатын Дьаһалтатыттан иһитиннэрбиттэринэн, “Лидеры России” диэн Бүтүн Арассыыйатааҕы салайааччылар аһаҕас куонкурустара биллэриллибитэ. edersaas.ru
Бу куонкурус сыалынан Арассыыйа кэскиллээх салайааччыларын талыы, сайыннарыы уонна өйөөһүн буолар. Онон дойду араас муннуктарыттан үрдүктэн үрдүк таһымнаахтар кытта сылдьаллар. Тэрийээччилэр 10-20 тыһ. киһи сайаапкалаһыа дии санаабыттара, 199 тыһ. киһи кытынна. Бу дьонтон 100 киһи талыллан, кыайыылаах тахсыаҕа. Ол курдук, куонкурус бастакы түһүмэҕэ бу ыйынан түмүктэннэ. Үс сүүс киһи тургутуктары ааһыаҕа, уокуруктарынан сирэй көрсөн кэпсэтиилэр саҕаланыахтара. Кэлэр сыл саҕаланыыта үс тургутууну ааһан талыллыбыт финалистар Москваҕа мустуохтара. Бу дьонтон сорохторо бэрэсидьиэни кытта үлэлиир резервэ испииһэгэр киириэхтэрэ.
Арассыыйа чулуу салайааччыларын күрэстэһиитигэр кыттааччыларга 1 мөл. солк. кээмэйдээх билиини хаҥатар граннар бэриллиэхтэрэ. Кыайыылаахтар бу харчынан ханнык баҕарар Арассыыйа үрдүк үөрэҕин кыһатыгар үөрэнэр быраабы ылыахтара. Маны таһынан, кинилэргэ бизнескэ уонна судаарыстыбаннай салалтаҕа биллэр салайааччылар сүбэ-ама биэриэхтэрэ. Бастыҥнар салайааччылар испииһэктэрин хаҥатар резервэҕэ киирэр анал бырагыраамаҕа кыттар кыахтаныахтара. edersaas.ru