Өлүөхүмэҕэ дэриэбинэ кытыытыгар эһэ ынахха саба түстэ

Ааптар: 
Бөлөххө киир:

Бүгүн сарсыарда социальнай ситимнэринэн, мессенджеринэн Өлүөхүмэ улууһун I Нөөрүктээйи нэһилиэгэр эһэ ынахха саба түспүт диэн хаартыскалаах иһитиннэрии тарҕанна.

edersaas.ru

Чахчы буоллаҕына дьоҥҥо кутталлаах буолсу диэн, туох дьаһалы ылан эрэллэрин билсээри, “Эдэр саас” сайт суруналыыстара нэһилиэк баһылыгын Анатолий Сольжиграсовы кытта сибээстэһэ сырыттыбыт.

— Нэһилиэкпитигэр, үөһэ дэриэбинэҕэ эһэ биир ынах ойоҕоһун дэлби хайа тарпыт, ытырбыт, ойоҕоһун уҥуохтарын тоһуппут. Хайыахтарай, астаатылар. Иккис ынах суох, арааһа, охторбут быһыылаах.

Лиссиэнсийэлээхпит, биригээдэ хомуйан баран бултаан көрүөхпүт. Чугас сылдьар буоллаҕына дьоҥҥо кутталы үөскэтэр. Дэриэбинэттэн букатын чугас. Үөһэ дэриэбинэ ойуурга букатын ыкса турар, минерализованнай балаһа эҥин баар.

Урукку сылларга маннык түгэн тахсыбытын өйдөөбөппүн. Мин санаабар, сокуонтан улахан тутулуктаах — эһэҕэ лиссиэнсийэни хото биэрбэттэр. Аны билигин саҥа сокуонунунан эһэ сүөһүгэ саба түстэҕинэ үс күнү эрэ биэрэллэр. Хаһан Дьокуускайынан эргитиэхтэригэр, көҥүл биэриэхтэригэр диэри үс күн ааһан хаалыа. Сыллата бултамматтар, онон үөскээн, тэнийэн иһэллэр. Дэриэбинэ чугаһыгар сылдьар буоллаҕына, мантан сайын сир астааччыларга кутталы үөскэтииһи, онто да суох куттаналлар, — диэн кэпсээтэ.

Людмила ПОПОВА, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0