Нам улууһун II Хомустаах баһылыга Лев Новгородов билигин Арассыыйаҕа үөскээбит балаһыанньанан санаатын үллэһиннэ.
— Биһиги дойдубут модун Арассыыйа байыаннай эпэрээссийэ оҥоро сылдьара сөптөөх дьыала. Тоҕо диэтэр, эн олорор дьиэҥ, дойдуҥ кыраныыссатыгар Украина НАТО сэрии сэбиргэллэрин аҕалара сатамньыта суох. Ол төрүөтэ бу буолла. Дойдубут аҕа баһылыга Владимир Путин мындыр өйө, уһуну-киэҥи толкуйдуура көстөр. Арҕаа дойдулар утары туруулара уонна сааҥсыйа биллэрэн, биһиги ис бэлиитикэбитин ыһа сатыыллар, атааннаһыыга киллэрэ сатыыллар. Ол эрээри маннык ыгыллыыга хас биирдиибит холкутаан уонна түмсүүлээх буолуохпутун наада. Арассыыйа дьоно биир холумтан иннигэр түмсүөхтээхпит. Сааҥсыйа уһуннук барыа дии саныыбын. Бэйэбит оҥорон таһаарыыбыт үксүөхтээх. Үүт, эт ас дэлэйиэхтээх. Дойдубут, Сахабыт сирэ, төрөөбүт улууспут, нэһилиэкпит туруктаах олоҕун туһугар хас биирдиибит кыһаллан, сүрэҕин, санаатын ууран үлэлиэхтээх.
Ульяна ЗАХАРОВА.