Премьер-миниистир Михаил Мишустин коронавируһунан сибээстээн үлэлэрин сүтэрбит гражданнары хос үөрэтиигэ бырабыыталыстыба 3 млрд солкуобайы тыырарын туһунан иһитиннэрдэ.
edersaas.ru
«Былаан быһыытынан 100 тыһыынча кэриҥэ киһи эбии үөрэхтээһини ааһыа уонна саҥа исписээлинэстэргэ үөрэниэ», — диэн Мишустин РБК ааҕыныстыбаҕа иһитиннэрдэ.
Үлэтэ суох хаалбыт дьону үөрэтиинэн «Союз WorldSkills» кэмиэрчэскэйэ суох уопсастыба дьарыктаныаҕа. РФ бырабыыталыстыбатын саайтыгар суруйалларынан, сайаапкалары «Работа в России» портал нөҥүө биэриэххэ сөп.
Пандемия кириисиһинэн сибээстээн, бырабыыталыстыба үлэтэ суохтар муҥутуур үрдүк босуобуйаларын хамнас алын кээмэйигэр тиийэ үрдэппитэ. Оттон босуобуйа алын кээмэйэ 4,5 тыһыынча солкуобайга диэри улааппыта.
Бэс ыйыгар Росстат иһитиннэрбитинэн, СOVID-19 пандемиятынан сибээстээн ыам ыйыгар Арассыыйаҕа үлэтэ суох ахсаана 4,5 мөлүйүөҥҥэ тиийбитэ.
edersaas.ru
+1
+1
+1
+1
+1
+1
+1