Пандемия кэмигэр үлэтэ суох ахсаана элбээн, Дьарыктаах буолуу сулууспата араас миэрэлэри ылынан, сорох үлэтэ суохтар саҥа идэни баһылыыр кыахтаннылар.
edersaas.ru
Анал бырагыраама оҥоһуллан, үлэтэ суох 320 киһи тутуу уонна суол хаһаайыстыбатын идэлэригэр үөрэннилэр. 154 киһи «Штукатур», «Каменщик», «Монтажник железобетонных конструкций» идэлэрин баһылаатылар. Салгыы кинилэр «ЯРУС» ХЭУо, «РДР-групп», «Кинг-95», «Адгезия» ХЭУо үлэлии киириэхтэрэ.
Уопсайа бүгүҥҥү туругунан 2237 киһи профессиональнай үөрэхтээһини ааста.
Бу дьон үлэ ырыынагар саамай наадалаах идэлэрин баһылаатылар. Холобур, бульдозер, экскаватор машиниһа, В,С,Д,Е категориялаах суоппардар, погрузчик, повар, хочуолунай оператора, силиэсэр, электрогазосварщик, бухгалтер уонна да атын.
Онтон «Олохтоох дьону бырамыысыланнаска» бырайыак иитинэн 612 киһи «горнорабочий подземный», «проходчик», «грохотовщик», «оператор товарный», «машинист бульдозера», «машинист экскаватора» уонна да атын идэлэргэ үөрэнэ сылдьаллар диэн СӨ Дьарыктаах буолуу судаарыстыбаннай кэмитиэтэ иһитиннэрдэ.
edersaas.ru
Хаартыска https://gkzn.sakha.gov.ru/news/front/view/id/3237792
+1
+1
+1
+1
+1
+1
+1