Дойду бэрэсидьиэнэ Владимир Путин муус устар 8 күнүгэр бырабыыталыстыба чилиэннэрин, эрэгийиэннэр салайааччыларын кытары мунньахтаата. Мунньахха коронавируһу утары охсуһууга кэккэ миэрэлэри киллэрэрин туһунан эттэ.
edersaas.ru
Үлэтэ суох хаалбыт, оҕолоох дьоҥҥо болҕомто күүһүрүөхтээх. Маннык дьиэ кэргэттэргэ сокуоннай сааһын туола илик хас биирдии оҕоҕо 3-түү тыһыынча солкуобайы үс ый устата төлүүргэ эттэ. Манна эбии атын төлөбүрдэр, босуобуйалар төлөммүттэрин курдук төлөнөллөр.
Холобур, 3-7 саастаах оҕолордоох ыалларга бэриллэр босуобуйа бэс ыйыттан төлөнөн барыахтаах. Манна дьиэ кэргэн дохуота кыратын, кыамматын туоһулуур ыспыраапка аҕалыахтаах этэ. Владимир Путин билиҥҥи усулуобуйаҕа ыспыраапка наадата суох диэн эттэ.
Үһүгэр диэри саастаах оҕолорго үс ый устата 5000 солкуобай төлөнөр. Манна дьиэ кэргэн дохуота, Ийэ хапытаалын ылбыта-ыла илигэ оруола суох.
Бу кэмҥэ үлэтэ суох хаалбыт дьоҥҥо хамнас алын төлөбүрүн (МРОТ) саҕа кээмэйдээх босуобуйа төлөнөр.
Ангелина Васильева, “Саха сирэ” хаһыат, edersaas.ru
Хаартыска: rbk.ru