Уопсастыба

Үлэтэ, дьарыга суох дьоҥҥо көмө

«2020-2024 cc нэһилиэнньэ дьарыктаах буолуутугар көмө” диэн судаарыстыбаннай бырагыраамма чэрчитинэн өрөспүүбүлүкэҕэ 2021 сылга  26,7 мөлүйүөн көрүлүннэ.

Ол курдук  туһааннаах  бырагырааманан үлэтэ суох дьон бэйэ дьыалатын тэриниилэригэр  бүддьүөттэн 2020 сылга 53,7 мөлүйүөн көрүллүбүтэ. Оттон быйыл  26,7 мөл. солк. көрүллэн, бэйэ дьыалатынан дьарыктаныахтаах 175 киһиэхэ көмө оҥоһуллуохтаах.

Бу сыл тохсунньу-балаҕан ыйдарыгар бэйэ дьыалатынан дьарыктаныан баҕалаах 198 киһи сайаапка түһэрбит.  Үлэтэ суох 143 киһини кытары Дьарыктаах буолуу киинэ дуогабар түһэрсибит. Алтынньы 1 күнүнээҕи туругунан, бэйэ дьыалатын тэриниигэ 120 киһи көмөнөн туһанан, уопсайа  18,3 мөл. солк. көрүллүбүт.
Маннык көмөнү туһаныыга тыа сирин олохтоохторун 50,8%-на, ол эбэтэр  61 киһи туһаммыт.

Бэйэ дьыалатын тэриниигэ 75 киһи үөрэммит (62,5%).

Үлэтэ суох дьон маннык хайысхаларынан  бэйэ дьыалатын тэриннилэр:
Оҥорон таһаарыыга – 33 киһи
Өҥөнү оҥорууга – 17 киһи
Атыы-эргиэн, тиэхиньикэ өрөмүөнэ – 16 киһи
Гостиница, общепит тэрилтэлэрин тэринии – 9 киһи
Тыа хаһаайыстыбата, балыктааһын, булт хаһаайыстыбата – 8 киһи
Тутуу – 7 киһи
Тиэрдэн биэрии, харайыы өҥөтө – 7 киһи
Үөрэхтээһин – 6 киһи
Научнай, профессиональнай үлэ – 6 киһи
Административнай, эбии өҥөнү оҥорор көрүҥнэр – 4 киһи
Култуура, успуорт, сынньалаҥ көрүҥнэригэр – 2 киһи
Доруобуйа, социальнай өҥө – 2 киһи
Информация, сибээс эйгэтигэр – 2 киһи
Хамсаабат баайы-дуолу  эргиниигэ – 1 киһи

СӨ Бырабыыталыстыбатын 379№-дээх уурааҕынан балаҕан ыйын 23 күнүттэн биир кэмнээх көмөнү ылыы хайысхата кэҥээн биэрдэ.

Ульяна ЗАХАРОВА, edersaas.ru

0
0