«Дыгын оонньуулара»: оҕунан ытыыга Леонид Филиппов бастаата

Ааптар: 
Бөлөххө киир:

Бэҕэһээ-бүгүн, ахсынньы 5-6 күннэригэр, Дьокуускай куоракка «Өрөгөй» успуорт комплексыгар «Дыгын оонньуулара» ыытыла тураллар.

Бэҕэһээ үс көрүҥ ыытыллыбыта — «үс төгүл үс» ыстаныы, тутум эргиирэ, мас тардыһыыта. Бу көрүҥнэр түмүктэринэн Егор Филиппов бастаан иһэр этэ.

Оттон бүгүн — оҕунан ытыы, сүүрүү, хапсаҕай уонна кумахтаах куулу көтөҕүү.

Оҕунан ытыы түмүгэ маннык:

1 миэстэ — Леонид Филиппов (Амма) — 35 очукуолаах;

2 миэстэ — Иннокентий Колесов (Кэбээйи) — 32 очукуолаах;

3 миэстэ — Павел Друзьянов (Чурапчы) — 32 очукуолаах.

Cалгыы:

Оҕунан ытыы түһүмэҕин туһунан «Дыгын оонньууларын» кыайыылааҕа Иннокентий Макаров санаатын үллэһиннэ:

— Бу көрүҥҥэ Леонид Филиппов эрэллээхтик бастаата. Атын кыттааччылар омук сирин ох саатынан ыппыт буоллахтарына, Леонид үгэс буолбут сахалыы оҕунан ытта. Инникитин сахалар бэйэбит ох саабытынан ытары ситиһиэххэ наада. Уолаттар сүрдээҕин бэлэмнэммиттэр, кырдьыгынан эттэххэ, бу көрүҥҥэ Иннокентий Колесов уонна Павел Друзьянов инники тахсыахтара дии санаабатаҕым. Онон дьарыктаммыттара үчүгэй көрдөрүүнү биэрдэ. Бу күрэхтэһии түмүгүнэн, уопсай ахсааҥҥа Леонид Филиппов  инники иһэр Егор Филипповка чугаһаата.

Надежда Ильина, edersaas.ru

+1
0
+1
0
+1
0
+1
0
+1
0
+1
0
+1
0