Ленскэйгэ нэһилиэктэр икки ардыларыгар оптуобус сырыыта сөргүтүлүннэ

Ааптар: 
Бөлөххө киир:
Ленскэй оройуонугар суһал ыстаап быһаарыытынан, сарсыҥҥыттан, о.э.тохсунньу 19 күнүттэн, нэһилиэктэр икки ардыларыгар оптуобус сылдьыаҕа.
Санатан эттэххэ, оптуобус сырыыта коронавирус дьаҥыттан, сэтинньи 5 күнүттэн тохтотуллубута. Ол гынан баран, Саҥа дьыл бырааһынньыгын эрэ иннинэ, оройуон баһылыгын быһаарыытынан пассажирдары таһар «Гранит» МБТ куорат уонна нэһилиэктэр икки ардыларыгар сүүрбүтэ. Оттон тохсунньу 1 күнүттэн оптуобустар эмиэ тохтообуттара.
Эпидемиологическай балаһыанньа арыый аҕай буолбутунан, нэһилиэктэр икки ардыларыгар оптуобустар сырыыларын сөргүтэргэ быһаардылар. Өскөтүн бырааһынньык кэнниттэн, тохсунньу 11 күнүгэр, ыалдьыбыт дьон ахсаана 48 буоллаҕына, тохсунньу 18 күнүгэр сыыппара аччаата, COVID-19 43 киһиэхэ баара бэлиэтэннэ. Итинтэн 27 киһи Ленскэй уонна Витим балыыһаларын инфекционнай отделениеларыгар эмтэнэллэр, 23 киһи тастан эмтэнэр. Коронавирус утары вакцина Ленскэйгэ тиийэ илик. Ол да буоллар, мэдиссиинэ үлэһиттэрэ быһыыны ылааччылар испииһэктэрин оҥороллор.
СИА
+1
0
+1
0
+1
0
+1
0
+1
0
+1
0
+1
0