Ленскэйгэ икки сүүһүс оҕоҕо 100 тыһыынчалаах сэртипикээт туттарылынна

Ленскэй оройуонугар сыл саҕаланыаҕыттан 200 оҕо күн сирин көрбүт. От ыйын 27 күнүгэр үөрүүлээх быһыыга -майгыга оройуоннааҕы роддомтан икки сүүһүс оҕо таҕыста.

Үгэс быһыытынан, Ленскэй оройуонугар сүүһүс оҕо төрөөтөҕүнэ улуус дьаһалтата 100 тыһыынчалаах сэртипикээти бэлэх туттарар.  Бу сырыыга, Светлана Дейнекина уонна Михаил Редькин от ыйын 23 күнүгэр иккис оҕолоро күн сирин көрбүтэ. Онон 200-с оҕонон төрөөбүт уолчаан төрөппүттэригэр 100 тыһыынчалаах сэртипикээти улуус баһылыгын солбуйааччы Нина Евстафьева туттарда.

Ульяна ЗАХАРОВА.