Ленскэй оройуонугар ийэ күнүнэн эҕэрдэлээтилэр.
Ленскэй оройуонун бэтэрээннэрин сэбиэтэ аҕам саастаах ийэлэри уонна ааспыт аҕа күнүнэн аҕалары, эһээлэри эҕэрдэлээтэ. Ленскэй оройуонун аҕам саастаахтара бары санитарнай ирдэбили тутуһан туран муһуннулар. Оройуон бэтэрээннэрин сэбиэтин бэрэссэдээтэлэ Раиса Баракова мустубут бэтэрээннэри эҕэрдэлээтэ. Пандемия уустук кэмигэр мустар уустугунан дэҥҥэ буолар көрсүһүүнү бэрт сэргэхтик уонна умнуллубаттык тэрийдилэр. Ол курдук мустубут ийэлэргэ сибэкки дьөрбөтө уонна бэлэх туттарылынна. Бу үөрүүлээх быһыыга-майгыга көхтөөх уопсастыбаннай үлэтин иһин, өрөспүүбүлүкэтээҕи бэтэрээннэр сэбиэттэрин аатыттан үлэ, тыыл бэтэрээнэ Татьяна Николаевна Овсяник бочуотунай грамотанан наҕараадаланна. Эҕэрдэ кэнниттэн Ленскэй бэйиэтэ Сергей Шестаков мустубут дьоҥҥо анаан хоһооннорун аахта.
Ульяна ЗАХАРОВА.