Ленскэй оройуонун полициятыгар эдэр дьахтартан үҥсүү киирдэ. Полиция үлэһиттэрэ эрдэ сууттана сылдьыбыт 25 саастаах эдэр киһини бу дьыалаҕа уорбалааннар туттулар. Бу киһи эмсэҕэлээччи дьахтары кытта кэргэннии быһыытынан олоро сылдьыбыттар эбит.
edersaas.ru
Быһылаан буолар күнүгэр, арахсан барбыт эр киһи дьахтар дьиэтиттэн малын-салын ыла кэлбит. Тыл тылларыгар киирсибэккэ кыыһырсан турбуттар. Ол түмүгэр эр киһи дьахтар суотабай төлөпүөнүн куукуна ыскаабын тааһыгар үлтү быраҕан алдьаппыт. Онно сөп буолбакка, эчэтэр сыаллаах, эр киһи атах таҥаһынан дьахтар төбөтүн охсуолаабыт. Дьахтар нэһиилэ мүлчү туттаран атын сиргэ куоппут уонна ол дьиэттэн полицияларга үҥсүү түһэрбит.
Арассыыйа Федерациятын 119 ыстатыйатын 1 чааһыгар олоҕуран «Киһини соруйан эчэтии иһин» уонна 167 ыстатыйа 1 чааһынан «Киһи бас билиитин соруйан алдьатан хоромньу таһаарыы иһин» холуобунай дьыала тэриллиэн сөп.
Ульяна Захарова, edersaas.ru
+1
+1
+1
+1
+1
+1
+1