Ленскэй оройуонугар ахсыс сылын үгэс курдук «Байанай» диэн күрэхтэһии ыытыллар.
Былырыын коронавирус дьаҥа өрө туран бу күрэс буолбатаҕа. Онон быйыл улуус баһылыга кыттыылаах бу күөн күрэс муус устар 3 күнүгэр ыытыллара күүтүллэр. Күрэхтэһии Нуотара нэһилиэгэр буолар. Нэһилиэк баһылыга Эдуард Тимофеев санаатын үллэһиннэ:
— Куруук буоларын курдук сыал ытыахтара, кутаа оттуохтара, сааны ыһан баран хомуйуохтара, эстэпиэтэлиэхтэрэ, буранынан сүүрдүү буолуоҕа. Оройуоммут биэс нэһилиэгиттэн хамаандалар кытталлара былааннанар. Кыайыылаах хамаанда 100 тыһыынча, иккис — 60 тыһыынча, үһүс — 40 тыһыынча солкуобайынан наҕараадаланыахтара. Бу харчынан бириистэри анал успуонсардар көрөллөр. Онон күрэхтэһии күүрээннээҕэ буолара күүтүллэр. Олохтоохтор да муус устар ыйы долгуйа кэтэһэллэр.
Ульяна Захарова.