Ленскэй оройуонугар кыстыкка бэлэмнэнии үлэтигэр 85 мөлүйүөн солкуобай туттулуоҕа. Ленскэй оройуонун хомунаалынай хаһаайыстыбаларын тэрилтэлэрэ 26 хочуолунайы, 7 км ититии тиһигин, 5 км уу ситимин, 500 м канализация тиһигин өрөмүөннүүллэр.
Өлүөхүмэ улууһугар быйыл итиинэн хааччыйар саҥа тэриллибит тэрилтэ түөрт нэһилиэнньэлээх пууну: Абаҕаны Кэччини, Киин Абаҕаны, Абаҕаны, Өлүөхүмэни хааччыйыаҕа. Саҥа тэрилтэ Кангаласстааҕы чох хостуур разреһы кытта дуогабардаһан баран, 5 тыһыынча туонна чоҕу тиэйиэҕэ.
Бу туһунан кыстыкка бэлэмнэнии ыстаабын мунньаҕыттан СӨ ОДьКХ пресс-киинэ иһитиннэрдэ.
Елена ПОТОЦКАЯ, «Саха сирэ» хаһыат, edersaas.ru
+1
+1
+1
+1
+1
+1
+1