Ленскэй куоратын 1-кы №-дээх оскуолатыгар Билии күнүн көрсө бэлэмнэнии үлэтин ыыта сылдьаллар.
Ол курдук, оскуола иннигэр тротуар билиитэлэри, күрүөнү-хаһааны саҥардаллар. «Гранит» тэрилтэ дириэктэрэ Владимир Арев кэпсииринэн, оскуола өрөмүөнүгэр үлэ түөрт көрүҥҥэ араарыллыбыт. Видеонан кэтээн көрүү, аактабай саала өрөмүөнэ, идэҕэ бэлэмниир хос өрөмүөнэ уонна тиэргэни тупсарыы үлэтэ ыытыллыахтаах эбит. Билии күнүн көрсө үлэ түмүктэниэхтээх.
Оскуола иһигэр 43 кэтээн көрүү камерата, оттон тиэргэн иһинэн-таһынан 27 камера туруоруллуохтаах. Ону сэргэ 1941 сыллаахха сэриигэ барбыт учууталлар уонна оскуоланы бүтэрээччилэр кэриэстэригэр турбут пааматынньыгы саҥардыы үлэтэ барыахтаах. Бу өрөмүөҥҥэ Ленскэй оройуонун бүддьүөтүттэн 11,5 мөлүйүөн солкуобай көрүллүбүт.
Ульяна Захарова, edersaas.ru
+1
+1
+1
+1
+1
+1
+1