Сочи куоракка ыытылла турар Аан дойдутааҕы Ыччат бэстибээлигэр Саха Өрөспүүбүлүкэтин делегата Любовь Клюкина блокнотугар араас дойдуттан сылдьар ыччаттан олоххо көҕүлүүр санааларын хомуйа сылдьар.
Любовь Клюкина, бэстибээл делегата, Ленскэй оройунун ыччат уонна дьиэ кэргэн дьыалаларын кэмитиэтин бэрэссэдээтэлэ:
— Бэстибээлгэ биэрбит блокноттарын мээнэ суругунан толоруохпун баҕарбатаҕым. Ол иһин, араас дойдулартан сылдьар ыччаттан санааларын блокноппар суруттардым. Кинилэри олоххо туох көҕүлүүрүн туһунан үллэһиннилэр. Бары арааһы суруйбуттар. Кими эрэ хоһоон, кими эрэ ырыа, биллэр дьон, аймахтара көҕүлүүллэр эбит. Холобур, Ганаттан сылдьар уолу Арассыыйа бастакы бэрэсидьиэнэ Борис Ельцин көҕүлүүр эбит. Дойдутугар бэрэсидьиэннэр академияларыгар үөрэнэр эбит. Кэлин Борис Ельцин курдук бэрэсидьиэн буолар баҕа санаалаах. Оттон Италияттан сылдьар кыыһы олоххо кактус сибэкки көҕүлүүр эбит. Тоҕо диэтэр, кактус ыарахан, кураан усулуобуйаҕа силигилии ситэн сибэккилиир. Бэстибээл бүтүөр диэри 100 араас дьон санаатын булуохтаахпын диэн бэйэбэр сыал-сорук туруоруннум. Оччоҕуна, блокнотум олоххо көҕүлээһин туһунан кыра кинигэ буолар. Кэлин ааҕарбар олус интэриэһинэй буолуоҕа. Оройуонум ыччатыгар кэпсиэм, көрдөрүөм.
Николай Попов, «Саха сирэ» хаһыат, edersaas.ru