Уопсастыба

Ленинград блокадатын кыттыылаахтара 50 тыһ. солк көмө быһыытынан ылыахтара

Ленинград блокадатын олохтоохторугар уонна кыттыылаахтарыгар сэтинньи 22 күнүгэр диэри  50 тыһ. солк. биир кэмнээх көмө харчыны биэриэхтэрэ. Ол туһунан РФ Бырабыыталыстыбатын бэрэссэдээтэлэ Михаил Мишустин иһитиннэрдэ.

«Олох суола» 80 сылынан (Аҕа дойду Улуу сэриитин кэмигэр Ладога күөлүгэр соҕотох  сүрүн суол) РФ Бэрэсидьиэнэ Владимир Путин  балаҕан ыйыгар Ленинград блокадатын олохтоохторугар уонна көмүскээччилэригэр харчынан көмөлөһөр туһунан ыйаахха илии баттаабыта. Ити үбү толуйарга федеральнай бүддьүөттэн 4 миллиард солкуобай тыырыллыаҕа.  Саха сиригэр бу анал көмөнөн 20-тэн тахса ытык кырдьаҕыс туһаныаҕа.

 

0
0