Саха АССР 100 сыла Суолталаах

Ленин проспегар үлэ балаҕан ыйын бүтүүтэ түмүктэниэ

СӨ Тырааныспар уонна суол хаһаайыстыбатын министиэристибэтиттэн иһитиннэрбиттэринэн, Кулаковскай уулуссатыттан Дзержинскэй уулуссатыгар диэри, аспаалы ууруу үлэтин балаҕан ыйын 25 күнүгэр бүтэриэхтэрэ.

Билигин тротуардары, сибээс, уот-күөс ситимнэрин оҥоруу үлэлэрэ ыытыллаллар. Маны сэргэ, бүгүҥҥүттэн Дзержинскэйтэн Курашов уулуссаҕа бэлисипиэтинэн сылдьар суолу оҥоруу саҕаламмыт.
Ленин проспегын хапытаалынай өрөмүөнэ — «Куттала суох хаачыстыбалаах суоллар» национальнай бырайыагынан оҥоһуллар. Үлэлэр Хабаров уулуссатыттан Краснояров уулуссатыгар диэри ыытыллаллар, уопсай уһуна 2,9 км.
Бырайыак бастакы түһүмэҕэр Кулаковскай уулуссатыттан Киров уулуссатыгар диэри уонна Кировтан Орджоникидзе болуоссатыгар (Дзержинскэй уулуссата) диэри киирэллэр. Бэлиэтэммитинэн бу учаастактарга үлэ балаҕан ыйын бүтүүтэ түмүктэнэр. Маннык соругу СӨ Ил Дархана Айсен Николаев туруорбута.
Үлэ иккис түһүмэҕэ 2023 сылга олоххо киллэриллиэхтээх. Манна Краснояров уулуссатыттан Кулаковскайга уонна Дзержинскэйтэн Хабаровка диэри учаастактар оҥоһуллаллар.
Икки түһүмэххэ барытыгар аспаал уларытыллар, дьон хаамар суола-ииһэ оҥоһуллар, бэлисипиэтинэн сылдьар суол баар буолар, оптуобус 11 тохтобула уларытыллар, итинтэн үс — Лена киинэ тыйаатырын, Токко уонна Московскай таһынааҕы тохтобуллар  сылаас буолаллар. 500 мас, талах арааһын, ол иһигэр яблоняны, акацияны олордуохтара.
2022 сылга, Саха АССР тэриллибитэ 100 сылынан, өрөспүүбүлүкэҕэ 500 км кырата суох массыына суола оҥоһуллар. Итинтэн 257 км «Куттала суох хаачыстыбалаах суоллар» национальнай бырайыагынан. Дьокуускайга 34,6 км суол өрөмүөннэниэ.
0
0
Telegram Whatsapp