Ленин проспегар археологтар үлэлэрин саҕалаатылар

Бөлөххө киир:

Сэтинньи 2 күнүттэн археологтар Ленин проспегар үлэлээн саҕалаатылар. Алтынньы 28 күнүгэр манна тутааччылар үс хоруобу уонна киһи уҥуоҕун булбуттара.

Хаар түспүт, сир тоҥмут, хаһарга табыгаһа суох диэн этэ сылдьыбыттара эрээри, археологтар бүгүҥҥүттэн балаакка, ититэр “бууска” туруоран, 2 археолог, 6 устудьуон үлэлииллэр. Сири «буусканан» сылытан, сэрэнэн хаһаллар. Главстрой” үнүстүрүмүөннэри биэрэн, көмөлөһөр.

Култуурунай нэһилиэстибэ эбийиэктэрин харыстыыр департамент салайааччытын солбуйааччы Гаврил Терентьев эппитинэн, бу үлэ нэдиэлэ устата барыаҕа.

Ленин проспегын өрөмүөнүн үлэтэ тохтоон турар. Археологтар бу уҥуохтары хаһан таһааран, историческай-култуурунай суолтатын чинчийбиттэрин кэнниттэн, үлэ салҕаныахтаах.

Ангелина Васильева, “Саха сирэ” хаһыат, edersaas.ru

Хаартыска: ykt.ru

+1
0
+1
0
+1
0
+1
0
+1
0
+1
0
+1
0