Ленин болуоссатыгар Кемерово баһаарын сиэртибэлэригэр анаан сибэкки ууруута буолуоҕа
Бүгүн, кулун тутар 27 күнүгэр, Дьокуускайга Ленин болуоссатыгар, Кемерово куоракка «Зимняя вишня» атыы-эргиэн киинигэр буолбут баһаар сиэртибэлэригэр анаан сибэкки ууруута буолуоҕа. Бу туһунан СӨ ыччат дьыалаларын уонна дьиэ кэргэн бэлиитикэтин министиэристибэтин пресс-сулууспата биллэрдэ.
«Бүгүн Дьокуускай куорат олохтоохторо уонна ыалдьыттара 17:00 чаастан кутурҕан чүмэчитин уматыахтара уонна сибэкки ууруохтара. Саха сирэ кутурҕанын тириэрдэр»,-диэн биллэриллибит.
Санатан эттэххэ, кулун тутар 25 күнүгэр Кемерово куоракка «Зимняя вишня» атыы-эргиэн киинигэр баһаар буолан 64 киһи олоҕун былдьанна, 40 киһи эчэйдэ. Билигин аһаҕас уоту умулларбыттар, ол да үрдүнэн уот билигин даҕаны кыайтарбат.
Кемерово куоракка кулун тутар 27-29 күннэрэ кутурҕан күннэринэн биллэрилиннилэр. Куоракка туох баар судаарыстыбыннай былаахтар түһэриллибиттэр, тэрээһиннэр тохтотуллубуттар.
Николай ПОПОВ, «Саха сирэ» хаһыат, edersaas.ru
+1
+1
+1
+1
+1
+1
+1