Лена Ефремова: «Дьиэ кэргэн бэлиитикэтин сайыннарыы — кэм ирдэбилэ»

Ааптар: 
Бөлөххө киир:

Ил Дархан Айсен Николаев Өрөспүүбүлүкэ күнүгэр аналлаах  «Быһа эпииргэ» өрөспүүбүлүкэ олохтоохторун араас ис хоһоонноох ыйытыыларыгар хоруйдаата, сайдыы тосхоллорун хайысхаларын сиһилии ырытта.  

Айсен Сергеевич ийэҕэ туһуламмыт, оҕо төрөөһүнүгэр уонна дьиэ кэргэн үгэстэрин сайыннарыыга  санаатын үллэстибитин үгүс дьон сөбүлүү иһиттэ.

РФ Уопсастыбаннай балаататын демографияҕа, дьиэ кэргэн, оҕо  уонна ыал үгэс буолбут сыаннастарын көмүскэлигэр  хамыыһыйа чилиэнэ  Лена Ефремова санаатын бу курдук тиэртэ:
Ил Дархан 2022 сылы Ийэ сылынан биллэрэн, үбүлүөйдээх сылга төрөөбүт оҕолору «Үйэ оҕото» диэн сүрэхтээн, кинилэргэ суолталаах бэлэҕи ууммута. Ол курдук, быйылгы сылга ийэ хапытаалын үрдэтэн, хас биирдии күн сирин көрбүт оҕоҕо 100 тыһыынча солкуобайдаах сэртипикээти биэрэн, дьиэ кэргэҥҥэ улахан өйөбүл оҥоһулунна. Саха Сирэ Уһук Илин федеральнай уокурукка демография боппуруоһугар инники күөҥҥэ сылдьара — өрөспүүбүлүкэбит салалтата  социальнай боппуруостарга болҕомтолоохтук сыһыаннаһарын туоһута. Ордук элбэх оҕону төрөппүт уонна ииппит ыалларга тустаах көмөнү, өйөбүлү оҥоруу, кинилэр олорор усулуобуйаларын тупсарыы сүрүн соругунан буолбута хайҕаллаах суол. Дьиэ кэргэн бэлиитикэтин сайыннарыы, ийэ суолтатын  үрдүк таһымҥа тутуу — кэм ирдэбилинэн  буолла. 

Елена ПОТОЦКАЯ, «Саха сирэ» хаһыат.

+1
0
+1
0
+1
0
+1
0
+1
0
+1
0
+1
0