Лена Афанасьева: «Доруобуйа харыстабылын былырыыҥҥы соруктара барыта туоллулар»

Ааптар: 
Бөлөххө киир:

Саха НКИК телерадиоканалларыгар олунньу 12 күнүгэр ыытыллыбыт ситэриилээх былаас отчуотун кэмигэр СӨ доруобуйа харыстабылын миниистирэ Лена Афанасьева былырыын Арассыыйаҕа уонна Саха сиригэр доруобуйа харыстабылын маҥнайгы сүһүөҕүн модернизациялааһын саҕаламматын санатта.

Доруобуйа сылыгар Ил Дархан Айсен Николаев бырабыыталыстыба иниигэр дьоҥҥо-сэргэҕэ ордук чугас медицина таһымын бөҕөргөтөргө сорудах биэрбитэ.

«Дьокуускайга уонна промышленнай куораттарга эрэ буолбакка, ыраах улуустарга эмиэ тустаах хаачыстыбалаах медицинскэй көмөнү оҥорууга бырагыраамабыт туһуланар. 2021 сыллаахха өрөспүүбүлүкэбит биэс улууһугар балыыһалары тутуу саҕаламмыта. Маннык өссө хаһан да буола илигэ», — диэн министр тоһоҕолоон бэлиэтээтэ.

Санатан эттэххэ, былырыын Бүлүү куоратыгар балыыһа комплексын бастакы уочаратын, Ытык Күөлгэ балыыһа, Уус- Майаҕа поликлиникалаах балыыһа комплексын, Хонууга балыыһа, Чурапчыга балыыһа комплексын иккис уочаратын тутуута саҕаламмыта.

Доруобуйа харыстабылын уон объега, ол иһигэр хотугу улуустарга: Орто Халыма улууһун Өлөөкө Күөлүгэр, Абый Күбэргэнэтигэр, Кэбээйи Сиэгэн Күөлүгэр – модульнай амбулаториялар тутуллан үлэҕэ киирдилэр.

Улуустарга 179 медицинскэй тэрили атыыластылар. Ол иһигэр алта оройуоннааҕы киин балыыһаҕа компьютернай томография кабинеттара арылынна. Өрөмүөн кэнниттэн Горнай улууһун Бэрдьигэстээх сэлиэнньэтигэр диагностическай поликлиника салаата үлэлээтэ.

«Дьон-сэргэ чөл буоларыгар уонна доруобуйа харыстабылын тиһигин сайыннарыыга туһуламмыт Ил Дархан Айсен Николаев стратегическай ыйааҕын чэрчитинэн бары бииргэ үлэлэһэ олоробут. Ааспыт сылга төһө хамсыгы утары охсуһууга күүспүтүн-уохпутун бараабыппыт иһин, өрөспүүбүлүкэбитигэр доруобуйа харыстабылын иннигэр турбут соруктары барытын ситиһиилээхтик толордубут», — диэн Лена Афанасьева бэлиэтээтэ.

СӨ Ил Дарханын уонна Бырабыыталыстабытын пресс- сулууспата

Мария Васильева хаартыската, СИА

+1
0
+1
0
+1
0
+1
0
+1
0
+1
0
+1
0