Дьокуускайга эрдэ сууттана сылдьыбыт 33 саастаах эр киһи тутулунна. ИДьМ пресс-сулууспата иһитиннэрбитинэн, кини үлэлиир тэрилтэтин харчытын көҥүлэ суох иҥэриммитигэр уорбаланар.
edersaas.ru
Уорбаланааччы курьерскай хампаанньаҕа менеджеринэн үлэлиир эбит. Бу сыл кулун тутар ыйыгар кини сайт нөҥүө онлайн-казиноҕа регистрацияламмыт. Манна оонньоон кини туох баар харчытын барытын сүүйтэрбит. Ол иһин үлэлиир хампаанньатын харчытын туһанарга санаммыт. Кассаттан харчыны ыларга туох да уустугу көрсүбэтэх, тоҕо диэтэххэ харчыны кытта үлэ кини эбээһинэһигэр киирэр эбит. Уорбаланааччы кулун тутар ыйтан бэс ыйыгар диэри 461 874 солкуобайы туттубут. «Иҥэринии уонна матайдааһын» диэн ыстатыйанан холуобунай дьыала тэрилиннэ.
Ульяна Захарова, edersaas.ru
+1
+1
+1
+1
+1
+1
+1