Ил Дархан Айсен Николаев “Саха Өрөспүүбүлүкэтигэр тыа хаһаайыстыбатын сайдыытын стратегическай хайысхаларын” ыйааҕын туһунан Дьааҥы улууһун “Тымныы полюһа” тыа хаһаайыстыбатын производственнай кэпэрэтиибин бырабылыанньатын бэрэссэдээтэлэ Екатерина Портнягина:
— Ил Дархан Саха Өрөспүүбүлүкэтигэр тыа хаһаайыстыбатын сайдыытын стратегическай хайысхаларын туһунан ыйааҕа саамай кэмигэр таҕыста. Биллэрин курдук, өрөспүүбүлүкэ нэһилиэнньэтин улахан аҥаара, итиэннэ төрүт олохтоох омуктар тыа сиригэр олоробут. Онон төрүт үгэстэрбитин (сүөһүнү-сылгыны, табаны иитиини, балыктааһыны уонна бултааһыны) промышленнай таһымынан сайыннардахпытына эрэ, бастатан туран, тыа сирин дьоно-сэргэтэ үлэлээх-хамнастаах буолуута, оттон өрөспүүбүлүкэ ас-үөл өттүнэн куттал суох буолуута хааччыллыаҕа. Инньэ гынан, бу ыйааҕы биһиги айхаллыы көрүстүбүт. Үлэбитигэр-хамнаспытыгар чахчы тирэх буолар ыйаах.
Раиса Сибирякова, «Саха сирэ» хаһыат, edersaas.ru
+1
+1
+1
+1
+1
+1
+1