Үлэ министиэристибэтэ ыарыйдахха тэйиччиттэн олорон үлэ бэрээдэгин быһаарар

Ааптар: 
Бөлөххө киир:

Сыстыганнаах дьаҥ кэмигэр тымныйыыттан ыалдьар (ОРВИ) киһи тэйиччиттэн олорон үлэлиир эрэсиимҥэ көһүүтүн туһунан Үлэ министиэристибэтэ быһаарыыта социальнай ситимнэргэ тарҕанна.

edersaas.ru

Өскө ОРВИ бастакы бэлиэтэ билиннэҕинэ (кыраадыс үрдүүр, күөмэй ыалдьар уо.д.а) уонна дьиэтигэр биир эмэ киһи ыарыйдаҕына, үлэһит тута салалтатыгар бары ньыманан (батсаап, төлөпүөн уо.д.а) биллэриэхтээх уонна 14 хонук диагноһа биллиэр диэри дьиэтиттэн ханна да тахсыбакка олоруохтаах.  Тэрилтэ салайааччыта үлэһитин тэйиччиттэн олоруу эрэсиимигэр көһөрүөхтээх. Өскө үлэтин сүнньүнэн маннык эрэсииминэн үлэлиир кыаҕа суох буоллаҕына, тэрилтэ салайааччыта үлэһиккэ  сыллааҕы төлөнөр уоппускатын күннэриттэн кыраапыгы таһынан эбэтэр өрүттэр икки өттүттэн сөбүлэһиилэринэн төлөбүрэ суох уоппусканы биэриэхтээх. Үлэһит тэйиччиттэн үлэҕэ көһүүгэ сайабылыанньа түһэрэр. Үлэ биэрээччи үлэ дуогабарыгар эбии сөбүлэһии докумуонун бирикээс нөҥүө оҥорор. Тэйиччиттэн үлэҕэ хамнаһы төлөөһүн усулуобуйата оннунан хаалар. Төлөбүрэ суох уоппускаҕа салайааччы үлэһитин кытта сүбэлэһэн эрэ баран ыытар. Бэйэтэ эрэ быһаарбат. Уоппуска бу көрүҥүн туһанарыгар үлэһит сайабылыанньа суруйуохтаах.
Мунаарар боппуруостары быһаарсарга анаан Үлэ уонна социальнай сайдыы министиэристибэтин пресс-сулууспата «суһал линиялар» төлөпүөннэрин ыйар:

— үлэ сыһыаныгар  – 508-075              (СӨ Үлэ уонна социальнай сайдыы министиэристибэтэ)

— үлэттэн устуу  — 507-850              (СӨ Дьарыктаах буолуу кэмитиэтэ)

— үлэ быраабын кэһии —  8 (9142) 74-22-66 (СӨ Үлэ инспекцията)

— урбаанньыты өйөөһүн боппуруостара – 8-800-100-58-80 (СӨ Предпринимательство министиэристибэтэ)

— коронавирус инфекциятыгар уонна медицинскэй тэрилтэлэр үлэлэригэр сыһыаннаах боппуруостар — 8-800-100-14-03 (СӨ Доруобуйа харыстабылын министиэристибэтэ)

— больничнай лииһи төлөөһүн –   8- 800-302-75-498 (4112) 315-919 (ГУ-РО ФСС в РС(Я)

— кириип уонна коронавирус инфекциятыгар сэрэтэр үлэни ыытыыга – 8-800-550-21-24 (СӨ Роспотребнадзор Управлениета).

Елена ПОТОЦКАЯ, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0