СӨ Үлэ, социальнай сайдыы миниистирин солбуйааччынан Марина Богословская ананна.
Ангелина Васильева, “Саха сирэ” хаһыат, edersaas.ru
Ол туһунан Ил Дархан кулун тутар 20 күнүнээҕи ыйааҕа таҕыста. Марина Богословская 1960 сыллаахха Дьааҥы улууһун Баатаҕай сэлиэнньэтигэр төрөөбүтэ. 1983 с. Москватааҕы геодезия, аэросъемка уонна картография инженердэрин институтун бүтэрбитэ.Марина Богословская – Уопсастыбаннай Балаата чилиэнэ (2014-2017 сс.), СӨ Уопсастыбаннай Балаататын бэрэссэдээтэлин солбуйааччы (2011-2017 cc.), СӨ Борокуратууратын Уопсастыбаннай сэбиэтин чилиэнэ, “Харысхал” фонда бырабылыанньатын чилиэнэ, «Золотое сечение» аһымал тэрилтэ бэрэссэдээтэлэ.
Ыспыраапка
1983-1985 сс. – Дьааҥытааҕы геологоразведочнай экспедиция топограба;
1985-1986 сс. – Дьааҥытааҕы геологоразведочнай экспедиция комсомольскай тэрилтэтин сэкирэтээрэ;
1986-1989 сс. – Дьааҥытааҕы ЫБСЛКС оройуоннааҕы кэмитиэтин сэкирэтээрэ;
1989-1993 сс. – Дьааҥы оройуонун толорор кэмитиэтин уонна ЗАГС отделениетын сэбиэдиссэйэ, оройуоннааҕы дьокутааттар сэбиэттэригэр үөрэххэ уонна доруобуйа харыстабылыгар хамыыһыйа бэрэссэдээтэлэ;
1993-2016 сс. – индивидуальнай предприниматель, «Мастер-регион» ХЭУо дириэктэрэ;
2016-2017 сс. –«Региональное агентство энергоресурсосбережения» тэрилтэ дириэктэрэ.
Ангелина Васильева, “Саха сирэ” хаһыат, edersaas.ru