Үлэ мастарыскыайдара бэйэ олоҕун оскуолатынан буолуохтара

Ааптар: 
Бөлөххө киир:

Үлэ мастарыскыайдара  бэйэ олоҕун оскуолатынан буолуохтара.

Саха сиригэр үлэ мастарыскыайдарын ментальнай кэһиллиилээх  (ментальное нарушение развития) дьоҥҥо тэрийэри былаанныыллар. Билигин ГАООРДИ  (инбэлиит оҕолор төрөппүттэрин уопсастыбаннай түмсүүтүн ассоциацията) кытта кэпсэтии ыытыллар уонна мастарыскыайдары арыйан үлэлэтэргэ миэстэлэри көрдүүллэр. Бу туһунан СӨ Үлэ уонна социальнай сайдыы миниистирэ Елена Волкова иһитиннэрдэ.
Илии араас үлэтигэр мастарыскыайга тэрили атыылаһыахха, адаптивнай физкултууранан дьарыктанарга уонна өй-санаа, уйулҕа өттүнэн сынньалаҥы тэрийэргэ  миэстэни көрүөххэ наада. Манна үөрэнээччилэргэ бэйэни бас билинэн сылдьалларыгар үөрүйэҕи, сатабылы иҥэрэргэ дьарыктар тиһиктээхтик тэриллэн ыытыллыахтара. Үлэҕэ сысталларыгар, кэлэктиипкэ уонна уопсастыбаҕа сатаан сылдьалларыгар, бэйэлэрин билиһиннэрэ үөрэнэллэригэр улахан болҕомто ууруллуо. Бу барыта эдэр дьон бэйэлэрин көрүнэн сылдьалларыгар, үлэлии үөрэнэллэригэр, үлэһит идэтин ылалларыгар, олоххо бэйэлэрэ сатаан хардыылыылларыгар, тутулуга суох буолалларыгар кыаҕы биэриэ.
Бэлиэтээн эттэххэ, Саха сиригэр билигин ментальнай ыарыылаах дьон олохторун арыаллыыр саҥа бырайыак олоххо киирэн эрэр. «Развитие стационарозамещающих технологий в сфере социального обслуживания инвалидов в Республике Саха (Якутия)» социальнай бырайыак Внешэкономбанк, ВЭБ.ДВ, ГАООРДИ кыттыгастаах олоххо киллэриллэр уонна Дьокуускайга бырайыакка 30 киһи кыттыылаах боруобалааһыны барар.
Хаартыска: komfortal.ru ылылынна
+1
0
+1
0
+1
0
+1
0
+1
0
+1
0
+1
0