«Саха сирин киэн туттуута» норуот бириэмийэтин уочараттаах «Үлэ киһитэ» номинациятыгар куоластааһын кулун тутар 12 күнүттэн саҕаламмыта.
edersaas.ru
Куоластааһын бу бээтинсэҕэ, кулун тутар 16 күнүгэр, түмүктэниэҕэ. «Үлэ киһитэ» номинацияҕа кимнээх бастыҥ үлэ киһитин аатын ыларга мэктиэлэнэн, норуот куоластааһыныгар киирэн, ааттара дорҕоонноохтук ааттанна?
Кулун тутар 14 күнүнээҕи чахчынан биэс лиидэр аата инники күөҥҥэ таҕыста:
— Михаил Лазарев, Амматааҕы РЭС («Якутскэнерго» ПАО Амма улууһунааҕы филиала) сыахтааҕы кэмитиэтин салайааччы — 931 куолас, онтон 119 — социальнай ситимнэргэ ✅
— Александр Ковалев, «Сахатранснефтегаз» АУо (Дьокуускай), гааһы тарҕатар ыстаансыйа оператора — 838 куолас, онтон 16 — социальнай ситимнэргэ ✅
— Николай Попов, «Анаабыр алмаастара» АУо комплектацияҕа мэхээньигэ (Чурапчы улууһа) — 806 куолас, онтон 52 — социальнай ситимнэргэ ✅
— Геннадий Юрков, «АЛРОСА-Газ» аһаҕас акционернай уопсастыбаҕа 6-с разрядтаах токарь (Мииринэй оройуона)— 798 куолас, онтон 16 — социальнай ситимнэргэ ✅
— Николай Афанасьев, «Сахатранснефтегаз»АО (Дьокуускай) гаас тэрилин көрөр-истэр КИПиА сулууспатын силиэсэрэ — 548 куолас, онтон 66 — социальнай ситимнэргэ ✅
Кулун тутар 16 күнүгэр 14:00 ч. бастыҥы талыы куоластааһына ыытыллыаҕа.
«Бастыҥ» номинация иһин куонкурус үлэ түмүгүн таһаарар, талааннары көрдүүр куоластааһын буолбатах. Бу аттыбытыгар үлэлии сылдьар, таптыыр идэлэригэр таба тайаммыт үлэттэн дьоллонор дьону кэмигэр бэлиэтээн көрүү буолар. Кинилэргэ махтал тылларын саамай күөгэйэр күннэригэр сырыттахтарына этэн үөрдүү.
Бэлиэтээн эттэххэ, «Саха сирин киэн туттуута» бырайыак Саха сирин судаарыстыбаннаһын күнүгэр биллэриллибитэ. Ол курдук, алтынньыга ыытыллыбыт «Бастыҥ учуутал » номинацияҕа Чурапчы оскуолатын учуутала Владислав Кривошапкин, сэтинньигэ — «Ыччат лиидэрэ»номинацияҕа ХИФУ профсойууһун кэмитиэтин салайааччыта Артём Иванов кыайбыттара. Ахсынньыга «Быраас» номинацияҕакыайыылааҕынан 2 №-дээх өрөспүүбүлүкэтээҕи балыыһа бырааһа Степан Тордуин, «Култуура диэйэтэлэ» номинацияҕа Сунтаарга үҥкүү бөлөҕүн салайар Августина Клакинова бэлиэтэммиттэрэ. «Бастыҥ урбаанньыт» номинацияҕа Руслан Федотов кыайыылааҕынан тахсыбыта.
Бырайыак генеральнай партнера — саха иһитин-хомуоһун пропагандалыыр Камелек» фирма.
Елена ПОТОЦКАЯ, «Саха сирэ» хаһыат, edersaas.ru