«Саха сирин киэн туттуута» норуот бириэмийэтин «Үлэ киһитэ» диэн номинациятыгар биэс кыайыылаах билиннэ.
edersaas.ru
Кыайыылаахтар кулун тутар 19 күнүттэн 23 күнүгэр диэри туспа куоластааһыны ааһыахтара. Кинилэртэн ким куолаһынан чорбойон тахсыбыт номинация кыайыылааҕынан буолуоҕа.
Дьэ, онон кулун тутар 12 күнүгэр саҕаламмыт 10 улуустан кыттыбыт 28 оробуочай идэлээх дьон тыҥааһыннаах киирсиилэрин кэнниттэн, куоластааһын түмүгүнэн кимнээх инники күөҥҥэ таҕыстылар?
Михаил Лазарев, Амматааҕы РЭС («Якутскэнерго» ПАО Амма улууһунааҕы филиала) сыахтааҕы кэмитиэтин салайааччы — 1813 куолас, онтон 137 — социальнай ситимнэргэ ✅
— Николай Попов, «Анаабыр алмаастара» АУо комплектацияҕа мэхээньигэ (Чурапчы улууһа) — 1323 куолас, онтон 103— социальнай ситимнэргэ ✅
— Геннадий Юрков, «АЛРОСА-Газ» аһаҕас акционернай уопсастыбаҕа 6-с разрядтаах токарь (Мииринэй оройуона)— 1116 куолас, онтон 18 — социальнай ситимнэргэ ✅— Вячеслав Лукин —«Сахатранснефтегаз»АО (Дьокуускай) гааһы тарҕатар тиһик управлениетын электрогааһы иһэрдээччи — 1063 куолас, онтон 29 — социальнай ситимнэргэ✅
— Юрий Троев, СӨ ОдьКХ ГУП роизводственнай-техническай отделын инженер-теплотехнига (Уус Алдан улууһа). 1026 куолас, онтон 42 — социальнай ситимнэргэ✅
Түмүктүүр куоластааһын кулун тутар 19 күнүгэр ыытыллыаҕа.
«Бастыҥ» номинация иһин куонкурус үлэ түмүгүн таһаарар, талааннары көрдүүр куоластааһын буолбатах. Бу аттыбытыгар үлэлии сылдьар, таптыыр идэлэригэр таба тайаммыт үлэттэн дьоллонор дьону кэмигэр бэлиэтээн көрүү буолар. Кинилэргэ махтал тылларын саамай күөгэйэр күннэригэр сырыттахтарына этэн үөрдүү.
Бэлиэтээн эттэххэ, «Саха сирин киэн туттуута» бырайыак Саха сирин судаарыстыбаннаһын күнүгэр биллэриллибитэ. Ол курдук, алтынньыга ыытыллыбыт «Бастыҥ учуутал » номинацияҕа Чурапчы оскуолатын учуутала Владислав Кривошапкин, сэтинньигэ — «Ыччат лиидэрэ»номинацияҕа ХИФУ профсойууһун кэмитиэтин салайааччыта Артём Иванов кыайбыттара. Ахсынньыга «Быраас» номинацияҕакыайыылааҕынан 2 №-дээх өрөспүүбүлүкэтээҕи балыыһа бырааһа Степан Тордуин, «Култуура диэйэтэлэ» номинацияҕа Сунтаарга үҥкүү бөлөҕүн салайар Августина Клакинова бэлиэтэммиттэрэ. «Бастыҥ урбаанньыт» номинацияҕа Руслан Федотов кыайыылааҕынан тахсыбыта.
Бырайыак генеральнай партнера — саха иһитин-хомуоһун пропагандалыыр «Көмүлүөк» фирма.
Елена ПОТОЦКАЯ, «Саха сирэ» хаһыат, edersaas.ru