Үлэ Дьоруойа Михаил Готовцев Түүлээххэ баһаары умулларааччыларга сибиэһэй эт ыытта

Ааптар: 
Бөлөххө киир:

Бу күннэргэ социальнай ситимнэргэ үгүс  дьон  бэйэлэрин баҕаларынан ойуур баһаарыгар үлэлии сылдьар дьону өйүүллэрин, көмөлөһөллөрүн туһунан суруйаллар, иһитиннэрэллэр. 

Уус Алдан улууһун дьаһалтатын пресс-сулууспата иһитиннэрбитинэн, атырдьах ыйын 6 күнүгэр РФ Үлэ Дьоруойа Михаил Готовцев Түүлээх нэһилиэгэр ойуур баһаарын уотун кытта охсуһа сылдьар дьоҥҥо  анаан ынаҕын идэһэлээн, сибиэһэй эти уонна буотараҕы ыытта. Михаил Готовцевка ынаҕы астааһыҥҥа улуустааҕы тыа хаһаайыстыбатын управлениетын салайааччыта  Степан Бочкарев уонна «МүрүАс» кэпэрэтиип үлэһиттэрэ көмөлөстүлэр.

Дьон олоҕун, олорор дьиэтин быыһыыр туһугар ыарахан үлэҕэ сылдьар биир дойдулаахтарбытын хайаан да өйүөхпүтүн наада. Маннык уустук кэмҥэ бэйэ-бэйэбитин өйөстөхпүтүнэ эрэ, уоту кытта охсуһар дьоммутугар күүс, сэниэ эбиллиэ этэ буоллаҕа, — диэн санаатын үллэстэр Үлэ Дьоруойа.

Елена ПОТОЦКАЯ, «Саха сирэ» хаһыат, edersaas.ru

Хаартыска:  Уус Алдан улууһун дьаһалтатын инстаграмыттан.

+1
0
+1
0
+1
0
+1
0
+1
0
+1
0
+1
0