«Өлбөт үйэлээх полк» онлайнынан ыытыллар аахсыйаҕа кыттыан баҕалаахтартан сайаапкалары хомуйуу түмүктэммит. Тэрийээччилэр бу аахсыйаҕа уопсайа 2 837 681 анкетан киирбитин бэлиэтээбиттэр.
edersaas.ru
Саамай элбэх сайаапка «Одноклассники» уонна «Вконтакте» социальнай ситимнэртэн киирбит. Манна хас биирдиилэриттэн биирдии мөлүйүөн кэриҥэ киһи кыттар баҕалааҕын биллэрбит. «Өлбөт үйэлээх полк» онлайнынан саайтыгар 580 тыһыынча анкета толоруллубут, Сбербанк “Банк памяти” бырайыагыттан 200 тыһыынча киһи кыттыбыт диэн sakha.gov.ru суруллар.
Тэрийээччилэр барыллааһыннарынан, онлайн-тэрээһин 18 күн салҕанара сабаҕаланар. Бу «Өлбөт үйэлээх полк» аахсыйа ыытыллыытын Арассыыйа саайтыгар — polkrf.ru, Аан дойдутааҕы саайтка — polk.press уонна «Окко» онлайн-киинэ тыйаатырыгар көрүөххэ сөп. Аахсыйаҕа кыттааччыларга кинилэр бэтэрээннэрэ көстөр кэмин модератордар электроннай суругунан сэрэтэллэр. Онон бу ыйыллыбыт саайтарга сөптөөх бириэмэтигэр киирэргэ дьоҥҥо ордук табыгастаах буолуоҕа.
Егор Карпов, «Саха сирэ», edersaas.ru