«Өлбөт үйэлээх полк» онлайн киэбинэн ыытыллар. Далааһыннаах тэрээһиҥҥэ кыттарга сайаапкалары ыам ыйын 9 күнүгэр диэри биэриэххэ сөп.
Тэрийээччилэр манна кыттарга сайаапкалары тутууну бүгүн, ыам ыйын 9 күнүгэр күнүс 12:00 чааска диэри уһатан биэрдилэр.
Кыттыан баҕалаахтар «ВКонтакте» (https://vk.com/polk_app) уонна «Одноклассники» (https://ok.ru/app/polk), ону сэргэ «Банк Памяти» (https://sber9may.ru) киирэн сайаапкаҕытын биэриэххитин сөп.
Арассыыйа олохтоохторуттан түөрт мөлүйүөн сайаапка киирбит, итинтэн биир тыһынчаттан тахсата — Саха сириттэн. Онлайн киэбинэн ыытыллар «Өлбөт үйэлээх полк» ыам ыйын 9 күнүгэр бары эрэгийиэннэргэ 15:00 ч. көстүөҕэ.
«Өлбөт үйэлээх полк» Арассыыйатааҕы аахсыйа былырыын, 2020 сыллаахха, коронавирус пандемиятынан сибээстээн аан бастаан дистанционнай киэбинэн ыытыллыбыта. Тэрээһин polkrf.ru саайтка, ону таһынан социальнай ситимнэргэ көрдөрүллүбүтэ.
+1
+1
+1
+1
+1
+1
+1