Маны аах Уопсастыба

«Өлбөт үйэлээх полк» аахсыйаҕа куйаар ситиминэн кыттарга Саха сириттэн тыһыынча кэриҥэ сайаапка киирдэ

«Өлбөт үйэлээх полк» быйыл эмиэ онлайн-киэбинэн ыытыллыаҕа. Манна Саха сириттэн тыһыынча кэриҥэ сайаапка киирбит.

Улуу Кыайыы өрөгөйдөөх күнүн бэлиэтииргэ «Өлбөт үйэлээх полк» тэрээһин биир сүрүнүнэн буолбута балачча ыраатта диэн Якутия Daily иһитиннэрэр.

Былырыын коронавирус туран, бүтүн Арассыыйатааҕы аахсыйа аан бастаан дистанционнай киэбинэн ыытыллыбыта. Тэрээһини ыытыы polkrf.ru саайтынан уонна социальнай ситимнэринэн көрдөрүллүбүтэ. Быйыл коронавирус дьаҥын бохсор туһуттан эмиэ итинник ньыманан ыытары быһаардылар.
Быйылгы «Өлбөт үйэлээх полк» аахсыйа ыам ыйын 9 күнүгэр олохтоох бириэмэнэн күнүс 15:00 чаастан Арассыыйа бары эрэгийиэннэригэр ыытыллар.
Ыам ыйын 4 күнүнээҕи иһитиннэриинэн, Аҕа дойду уоттаах сэриитигэр Улуу Кыайыы 76 сылынан ыытыллар «Өлбөт үйэлээх полк» аахсыйаҕа куйаар ситиминэн кыттарга, 957 Саха сирин олохтооҕо регистрацияламмыт.
Кыттарга сайаапканы 2021 сыл ыам ыйын 7 күнүгэр диэри «Өлбөт үйэлээх полк» официальнай саайтын тус кабинетыгар (https://2021.polkrf.ru/) биэриэххэ сөп.
Сөбүлэҥи ылбыт сайаапкалар ааптардара, ыам ыйын 7 күнүгэр диэри кинилэр чугас дьоннорун кытары чуо хаска көстөллөрүн туһунан иһитиннэриилэри тутуохтара.
Бары туһанааччылар куйаар ситиминэн биэрии бүппүтүн кэнниттэн,  чугас дьоннорун хаартыскалара көрдөрүллүбүт чааһын ылыахтарын сөп. Былырыын  «Өлбөт үйэлээх полк»  онлайн-киэбинэн ыытыллыбытыгар чугас дьоннорун туһунан биэрбит дьон уонна быйыл онно туох да уларытыыны киллэрбэт буоллахтарына, сөбүлэҥи ылбыт сайаапкаларын хатылыахтарын сөп.
0
0