РФ бэрэсидьиэнин Владимир Путин бэс ыйын 23 күнүн 409 №-дээх ыйааҕынан Лариса Шепелева «РФ Үтүөлээх бырааһа» буолла. Бу туһунан тустаах саайтка иһитиннэрии таҕыста.
Лариса Петровна 2015 с. И.М.Сеченов аатынан Москватааҕы медицинскэй университет Диссертационнай сэбиэтигэр докторскай диссертациятын көмүскээн, Саха сирин доруобуйатын харыстабылын историятыгар рентгенология салаатыгар бастакы наука доктора буолбута.
Кини диссертацията аан дойдуга билиҥҥи кэмҥэ балысханнык сайдар саҥа технология – компьютернай томографияны оҕо аймахха сэллиги быһаарыыга туһаныыга анаммыта. Бу ньымаҕа кини үлэтэ дойду үрдүнэн аан бастакылартан биирдэстэрэ буолар, сэллиги аныгы технология кыаҕын туһанан төрүт эрдэ уонна чопчу хайдах быһаарары эридьиэстиир.
Лариса Шепелевалыын кэпсэтиини манна ааҕыҥ: https://edersaas.ru/rentgenolog/
edersaas.ru
+1
+1
+1
+1
+1
+1
+1