Маны аах Уопсастыба

Лаптевтар муораларыгар Усуйаана олохтоохторо сүттүлэр

Новосибирскай арыыларыгар Лаптевтар муораларынан айаннаабыт Усуйаана олохтоохторо сураҕа суох сүттүлэр. Эр дьон катерынан айаҥҥа туруммуттара хас даҕаны хоммут. Бу туһунан СИА-ҕа Усуйаана улууһун дьаһалтата иһитиннэрбит.

«Ааспыт нэдиэлэҕэ Казачье сэлиэнньэтин икки олохтооҕо катерынан Новосибирскай арыыларыгар барбыттара уонна билиҥҥэ диэри сибээскэ тахса иликтэр. Аһаҕас муораҕа балыксыттар көрдөһүүлэринэн тахсыбыттар диэн иһитиннэрбиттэрэ. Суукка ааспытын кэнниттэн ол хайысханан өссө биир киһи катерынан барбыт уонна сүппүт. Бу күннэргэ күн-дьыл этэҥҥэ этэ. ЫБММ-ҥа сайаапка ыыппыппыт. Билигин аймахтара көрдүү сылдьаллар», — диэн  дьаһалтаҕа этэллэр.

Саха сиринээҕи Ыксаллаах быһыы-майгы министиэристибэтин пресс-сулууспата этэринэн, кинилэргэ икки киһи сүппүтүн туһунан иһитиннэрии атырдьах ыйын 28 күнүгэр киирбит. Онно Нижнеянск сэлиэнньэтиттэн икки балыксыт муораҕа тахсыбыттарын, ханна баалларын биллэрбэттэрин туһунан этиллэр. Балыксыттар спутниковай төлөпүөннээхтэр. Үһүс киһи сүппүтүн туһунан инофрмация билиҥҥитэ киирэ илик диэн пресс-сулууспа этэр.

0
0
Telegram Whatsapp