Лабыҥкыр дьиктилээх харамайа сиэннээҕин туһунан истибиккит дуу?
Саҥа уобарас ааттыын-суоллуун толкуйданан турар. Кини — динозаврик Лаби диэн. Былыргы номоҕунан, бу Лабыҥкыр күөлгэ олорор кистэлэҥнээх, дьиктилээх уу харамайын сиэнэ. Лаби биллэр-көстөр, уордаах эһэтиттэн уратыта — бэһиэлэй уонна кэпсэтинньэҥ.
Лаби эскиһин «Кыһын Саха сириттэн саҕаланар» бэстибээлгэ «Чысхаан оскуолатыгар» дьарыктаммыт Өймөкөөн оскуолатын үөрэнээччилэрэ толкуйдууллар. Бырайыагы Култуура уонна искусство Арктикатааҕы судаарыстыбаннай института уонна Н.О.Кривошапкин аатынан Өймөкөөн орто оскуолата иилээн-саҕалаан ыыталлар. Координатордар — Култуура уонна искусство Арктикатааҕы институтун профессора, учуонай, социология дуоктара Ульяна Винокурова, Варшава университетын культурологияҕа дуоктара Күннэй Такасаева уонна АГИКИ доцена Елена Атласова.
Өймөкөөн Саха сирин биир туристическай киинэ буоларынан, аан дойду болҕомтотун тардара улаатан иһэр. Инфраструктуратын сэргэ тымныы сирин сүрүн брендэ сайдыахтаах диэн сорук турар.
Арктика института ураты идеялары сирдиир сүрүн лаборатория буоларынан, айар уонна научнай кыахтары өйүүр институту кытта саҥа көрүҥнэри, суоллары көрдүүр.
Хаартыска: regnum.ru