“Дьокуускайдааҕы өрөспүүбүлүкэтээҕи бэтиринээринэй-чинчийэр лаборатория” судаарыстыбаннай бүддьүөт тэрилтэтигэр Москваттан «Эрба-Рус» АУо химик-инженерэ Александр Карташов кэлэн, химия-токсикология салаатын исписэлиистэрин ERBA 100 XL биохимическэй анализаторынан үлэлииргэ үөрэттэ.
Аны мантан инньэ сүөһү хаанын, иигин биохимическэй анаалыһа бу саҥа аппараатынан оҥоһуллар буолла. Даҕатан эттэххэ, Саха Өрөспүүбүлүкэтин бүддьүөтүттэн үп көрүллэн, лаборатория быйыл хас да саҥа тэрили ылла.
Ол иһигэр, биохимическэй анализаторы таһынан, бактериология отделыгар Бэктон Дикинсон автоматическай микробиологическай анализатора, гистология отделыгар «Rotare 300М» мааркалаах ротационнай автомат аҥардаах микротом, вирустары чинчийэр отделга Infinite F50 (Австрия) автоматическай иммуноферментнай микропланшетнай анализатор бааллар.
Онон, “Дьокуускайдааҕы өрөспүүбүлүкэтээҕи бэтиринээринэй-чинчийэр лаборатория” СБТ саҥа технологиянан хааччыллан, үлэтэ кудумсуйда диэн Бэтэринээрийэ департаменын пресс-киинэ иһитиннэрэр.
«Саха сирэ» хаһыат, edersaas.ru