СӨ Доруобуйа харыстабылыгар министиэристибэтэ коронавирус дьаҥын быһаарар лаборатория ахсаанын элбэттэ.
Ол курдук, бүгүн Мэҥэ Хаҥалас улууһун Майатыгар тургутар эрэсиимҥэ лаборатория үлэтин саҕалаата. Оттон сарсын Алдаҥҥа арыллыаҕа.
Министиэристибэ эрдэ иһитиннэрбитинэн, Нерюнгрига, Мииринэйгэ маннык лабораториялар арыллыбыттара. Өссө икки лаборатория Дьокуускайга уонна өссө икки лаборатория Роспотребнадзор иитинэн үлэлииллэр. Бүтэһик суукка иһигэр 942 анаалыһы ылбыттара биллэр.
Бүгүн СӨ Доруобуйа харыстабылыгар миниистирэ Елена Борисова быһа эпиир кэмигэр иһитиннэрбитинэн, өрөспүүбүлүкэ өссө 26 ИВЛ-аппараты атыыласпыт. Алта аппарат номнуо кэлбит, атыттарын ыам ыйыгар аҕалыахтара. Онон, билиҥҥитэ өрөспүүбүлүкэҕэ 361 маннык аппарат баар буолла.
edersaas.ru
+1
+1
+1
+1
+1
+1
+1