Ил Дархан Айсен Николаев урут бэлиэтээн эппитинэн, оҕо лааҕырдарыгар сылдьыан баҕалаахтар элбииллэр уонна лааҕыр өҥөтө үрдүк хаачыстыбалаах буолуохтаах.
edersaas.ru
Саха Өрөспүүбүлүкэтигэр, барыллаан ааҕыынан, лааҕыр кешбэгин бырагырааматын нөҥүө 1798 кэриҥэ путевка атыыланна (былырыын – 978). РФ Бэрэсидьиэнэ Владимир Путин сорудаҕынан, 2022 сылга оҕо лааҕырыгар путевка ороскуотун аҥаарын уйунар федеральнай бырагыраама салҕанар. 2022 сылга, эмиэ былырыыҥҥы курдук, бырагыраамаҕа өрөспүүбүлүкэ 15 лааҕыра кытынна: Сунтаарга, Ленскэйгэ, Алдаҥҥа, Хаҥаласка, Жатайга – биирдии уонна Дьокуускайга – 10. Быйыл оҕо туристическай кешбэгин бырагыраамата кулун тутар 31 күнүттэн бэс ыйын 15 күнүгэр диэри ыытыллыбыта. Санатан эттэххэ, санаторнай-чэбдигирдэр лааҕырдарга төрөппүттэр бэйэлэрэ атыыласпыт путевкаларын сыанатын 50 бырыһыана төлөнөр. Онон, “Лааҕыр кешбэгэ” бырагырааманан төрөппүттэр бэйэлэрэ атыыласпыт путевкаларыгар 29 мөлүйүөн солк. тахса төннөрүлүннэ.
Надежда ЕГОРОВА, «Саха сирэ», edersaas.ru