Алмаастаах түөлбэ улуустарын кытта дуогабар быһыытынан, Өлөөн улууһун социальна-экэнэмиичэскэй сайдыытыгар «АЛРОСА» хампаанньа биэс сыл тухары 100-түү мөлүйүөнү биэриэхтээх. Ону таһынан, «Тыа сирин биир кэлим сайыннарыы» федеральнай бырагыраама чэрчитинэн, алмаастаах хампаанньа кыттыгас көмөтүнэн, Харыйалаах нэһилиэгэр оскуола, Дьэлиҥдэҕэ оҕо саада тутуллуоҕа.
Ол туһунан СӨ Бырабыыталыстыбатын бэрэссэдээтэлэ Владимир Солодов Өлөөн улууһугар сылдьан иһитиннэрдэ. Өлөөннөр таба иитиитин курдук төрүт дьарыктарын тутан олороллор. «Аҥаардас Дьэлиҥдэҕэ 25 000 таба баар этэ даҕаны, кэлин ахсаана аҕыйыы сылдьыбытын, бу салааны өйүүр үлэ ыытаммыт, ити таҥнары түһүүнү тохтоттубут», — диэн бэлиэтээтэ кини. Кэлэр сылларга улууһу түргэн тэтимнээх интэриниэтинэн хааччыйарга үлэ барыаҕа.
«Ростелеком» хампаанньа 2021 сылга диэри Өлөөҥҥө оптика ситимин тардыаҕа, ону таһынан Дьэлиҥдэ социальнай эбийиэктэригэр түргэн интэриниэт киириэҕэ.
edersaas.ru
+1
+1
+1
+1
+1
+1
+1