Бу күннэргэ Өлөөн нэһилиэгэр оҕолорго аналлаах модельнай бибилэтиэкэ аһылынна.
Бу сыл саҕаланыыта Өлөөн нэһилиэгин оҕолорго аналлаах бибилэтиэкэтэ «СӨ култууратын 2020-2021 cылларга сайыннарыы» диэн өрөспүүбүлүкэтээҕи бырагыраамма чэрчитинэн кыайыылааҕынан тахсыбыта. Култуура национальнай бырайыагы олоххо киллэрэр туһуттан Өлөөн нэһилиэгин бибилэтиэкэтин өрөмүөннээн, аныгылыы модульнай тиэхиньикэнэн хааччыйан, уопсайа 800 тыһыынча солкуобай көрүллүбүтэ. Маны сэргэ бибилэтиэкэ иһинэн оҕолорго аналлаах сынньалаҥ зоната оҥоһуллубут. Манна оскуолаҕа киирэ илик саастаах оҕолор эбии дьарыктаналларыгар бары усулуобуйа тэриллибит. Бибилэтиэкэ модельнай ааты сүкпүтэ нэһилиэк олохтоохторугар улахан бэлэх буолбут. Үлэһиттэр билинэллэринэн, ааҕар араҥа култуурунайдык сынньанар, билии эбинэр усулуобуйалара оҥоһуллубутун бэлиэтииллэр. Бибилэтиэкэ үөрүүлээх аһыллыытын кыһыл лиэнтэтин Өлөөн улууһун баһылыга Лена Иванова уонна киин бибилэтиэкэ дириэктэрэ Екатерина Николаева уонна эдэр ааҕааччы Матвей Кычкин кырыйдылар.
Ульяна ЗАХАРОВА, edersaas.ru