Интэриэһинэй Уопсастыба

Өлөөнтөн эҕэрдэ ыытабыт



Өлөөнтөн 1 Маай бырааһынньыгынан сэргэх сонун кэллэ. 

Алла Петрова сэбиэдиссэйдээх «Кэнчээри» оҕо уһуйаанын кэлэктиибэ өрүү да буоларын курдук, Күөх Маай бырааһынньыгын эмиэ уратытык көрүстэ. Бар дьонноругар куйаар ситиминэн эҕэрдэ аккырыыккалары ыыттылар.

Биир идэлээхтэр сойуустарын көҕүлээһининэн, урукку эҕэрдэ аккырыыккалары уонна ол аккырыыккаҕа курдук хаартыскаҕа түһэн, эҕэрдэлээн, дьон-сэргэ болҕомтотун тартылар, улахан сэргэхсийиини таһаардылар.

«Уруккуну эргитии, оҕо сааһы санатыы. Эрчимнээх эдэр саас эриэккэс кэмнэригэр эргиллэн, ыалдьыттаан ылыы. Наһаа үчүгэй», — диэн дойдулаахтара үөрүүлэрин үллэстэллэр.

4
0