Өлөөннөр үлэһит дьоннорун умнубаттар
Олох-дьаһах

Өлөөннөр үлэһит дьоннорун умнубаттар

Өлөөннөргө соторутааҕыта умнуллубат үөрүүлээх бэлиэ түгэн буолла.

САССР Үрдүкү Сэбиэтин XII ыҥырыытын дьокутаатын, Өлөөн оройуонугар ССКП бастакы сэкирэтээринэн үлэлээбит Ф.П.Соломонов аатын сүгэр искибиэри үөрүүлээх быһыыга-майгыга арыйбыттарын туһунан Наталья Нетребенко иһитиннэрэр.

Долгутуулаах тэрээһиҥҥэ Ф.П.Соломонов кэргэнэ, РСФСР норуот үөрэҕириитин туйгуна, Өлөөн оскуолатын учуутала Вера Семеновна Соломонова, бииргэ төрөөбүтэ Екатерина Петровна Соломонова,  чугас аймахтара кыттыыны ылбыттар. Федор Петровиһы билэр, бииргэ үлэлээбит, алтыспыт оройуон баһылыгын э.т. Иван Александрович Саввинов, СӨ аҕыйах ахсааннаах төрүт олохтоох норуоттар бырааптарыгар боломуочунай Лена Степановна Иванова мустубут бары ыалдьыттарга эҕэрдэ тылларын тиэрдибиттэр.

Искибиэри олохтоох урбаанньыт Иван Иванович Гуляев биригээдэтэ Өлөөн нэһилиэгин баһылыга Василий Николаевич Романов уонна Ф.П. Соломонов дьиэ кэргэнин өйөбүлүнэн, кылгас кэм иһигэр туппуттар.

Өлөөннөр үлэһит дьоннорун умнубаттар. Ытык дьоннорунан киэн тутталлар, кэнчээри ыччат өйүгэр-сүрэҕэр иҥэрэргэ үлэни тэрийэллэр.

 

 

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

19 − 9 =