Өлөөннөр автодромнаннылар
Олох-дьаһах

Өлөөннөр автодромнаннылар

Х.М.Николаев аатынан Өлөөн орто оскуолатын иһинэн үлэлиир автооскуола баазатыгар автодром баар буолла.

«Күүтүүлээх тэрээһиҥҥэ аалай кыһыл лиэнтэни үөрүүлээх быһыыга-майгыга баһылык э.т. Саввинов Иван Александрович, улуустааҕы үөрэх управлениетын начаалынньыга Иванова Мария Христофоровна уонна «Армстрой» ХЭУо генеральнай дириэктэрэ Аушев Руслан Мурзеевич быстылар.
Автооскуола 2019 сыл саҥатыттан үлэлиир, оттон профүөрэхтээһин лиссиэнсийэтэ өссө 2018 сыллаахха ылыллыбыта», — диэн Наталья Нетребенко суруйар.
«Оскуола мастарыскыайыгар автодьыала кылааһа баар. Онно бурааны, квадроциклы ыытарга үөрэтэбит. Икки бөлөх бүтэрэн турар. 2019 сыллаахха выпускниктар Мииринэйтэн кэлбит гостехнадзор иниспиэктэригэр эксээмэн туттарбыттара. Быйыл, коронавирус дьаҥынан, эксээмэн тохтотуллубута. «В» категорияҕа суоппардары МТБ  түмүгүн туттахпытына уонна массыыналаннахпытына биирдэ үөрэтиэхпит», — диэбит производственнай үөрэхтээһин маастара Андрей Аркадьевич Яковлев.
Автодром нэһилиэктэн тэйиччи баар уонна үөрэтэргэ туох баара барыта тэриллэн, оҥоһуллан, силигэ ситэн-хотон, ирдэбилгэ толору эппиэттиир кыахтаах диэн бэлиэтиир Наталья Нетребенко.
Тэрээһиҥҥэ бары хааччахтыыр миэрэлэр тутуһуллубуттар. Онон нэһилиэнньэ сонуну дьиэтигэр олорон истибит, үөрүүтүн биллэрбит.
0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

три − 3 =