«Өлүөнэтээҕи холбоһуктаах пароходство» АУо Арктика улуустарыгар таһаҕаһы тиэрдии былаанын толордо

Бөлөххө киир:

Бу күннэргэ  «Өлүөнэтээҕи холбоһуктаах пароходство» АУо балаҕан ыйдааҕы үлэтин түмүктэрин таһаарар мунньаҕы ыытта. Онлайн мунньахха  тустаах тэрилтэлэр салайааччылара, суудуналар хапытааннара  кытыннылар.

Быйылгы уу суолунан  былааны быһыытынан 1540  тыһ. туонна таһаҕас тиэрдиллиэхтээх, ол иһигэр 358 тыһ. туонна  ньиэп бородууктата киирэр.  Навигация саҕаланыаҕыттан норуот хаһаайыстыбатыгар аналлаах 1 мөл. 340 тыһ. туонна таһаҕас аадырыстарыгар тиэрдиллибит. Онон былаантан 83 %-на толоруллубут. Билиҥҥи туругунан, 211 уу тырааныспара  тустаах үлэни толорор, бу күннэргэ 300,88 тыһ.туонна таһаҕаһы оннун булларыахтара.

Хотугу улуустарга быйылгы навигациянан  400 тыһ. туонна таһаҕас тиэрдиллиэхтээх, итинтэн 140 тыһ. туонната ньиэп бородууктата.  Барыта 425 тыһ. туонна ыытыллыбыт. Итинтэн 20 тыһ. туонна таас чоҕу Зеленай Мыска уонна Певек бөһүөлэккэ сүөкүүллэрэ хаалбыт. Онон хотугу улуустарга таһаҕас тиэрдилиннэ диир кыахтаахпыт.

Алтынньы 6 күнүнээҕи туругунан, муора учаастагар 28 суудуна үлэлиир, кинилэр бэрт сотору Өлүөнэ өрүскэ киириэхтэрэ.  «Өлүөнэтээҕи холбоһуктаах пароходство» АУо салалтата  быйылгы навигацияҕа үлэлээбит сууданалары  өрөмүөннүүр анал үлэ бэлэмин иһитиннэрдилэр.

edersaas.ru

+1
0
+1
0
+1
0
+1
0
+1
0
+1
0
+1
0