Өлүөнэни туоратар муоста бырайыага түргэнник бигэргэннэр

Ааптар: 
Бөлөххө киир:

Арассыыйа Тырааныспарга министиэристибэтэ Өлүөнэни туоратар муоста бырайыагын Росавтодор түргэнник бигэргэтиэ диэн эрэнэр.


Өлүөнэни туоратар муоста боппуруоһун силигин ситэрэргэ Арассыыйа Тырааныспарга министиэристибэтэ Саха сирин кытта үлэлэһэр. Бырайыак Росавтодор хамыыһыйатын 2019 сыл бүтүүтэ – 2020 сыл саҕаланыытыгар ааһыаҕа диэнэ эрэнэр. Бу туһунан РФ Тырааныспарга министиэристибэтин баһылыгын бастакы солбуйааччы Иннокентий Алафинов этиитигэр РИА Новости сигэнэр.

“Бырагыраамаҕа Өлүөнэни туоруур муоста киирэн турар. Муостаны судаарыстыба уонна чааһынай (ГЧП) кыттыгас тутууларыгар эрэнэллэр. Биһиэхэ судаарыстыба уонна чааһынай тэрилтэ бииргэ үлэлээһиннэрэ ГЧП – эрэгийиэннээҕи инвест-бырайыактар бүддьүөттэр икки ардыларынааҕы трансферын суотугар өйөнөр. Билиҥҥитэ бүтэһиктээхтик чопчуламмыт сайаапка суох. Тоҕо диэтэххэ, ирдэнэр параметрдары чопчулуубут. Бу сыл бүтүүтэ – кэлэр сыл саҥатыгар бырайыак хамыыһыйаны ааһыа диэн күүтэбит. Эрэгийиэн сүҥкэн үлэни ыытта”, — диэн бэлиэтээтэ Иннокентий Алафинов.
Бу иннинэ РФ бэрэсидьиэнин пресс-сэкирэтээрэ Дмитрий Песков иһитиннэрбитинэн, Владимир Путин бырабыыталыстыбаҕа Өлүөнэни туоруур муоста бырайыагар этиилэри бэлэмнииргэ сорудахтаабыта. Оттон Саха сирин баһылыга Айсен Николаев агентствоҕа интервьютугар бырайыак туһааннаах министиэристибэлэр уонна бырабыыталыстыба өйөбүллэрин ылбытын, эбийиэги тутуу туһунан быһаарыы бу сыл бүтүөр диэри ылыныллыаҕын бэлиэтээбитэ.
Өлүөнэ муостата Амур-Саха сирин тимир суолун, “Бүлүү”, “Халыма”, “Өлүөнэ федеральнай массыына суолларын, эрэгийиэн суолталаах массыына биэс суолун, Дьокуускайдааҕы өрүс пуордун уонна “Дьокуускай аэропуордун ситимниэхтээх. 2025 сылга муоста үлэҕэ киирдэҕинэ, эрэгийиэҥҥэ тырааныспарынан сырыы 83 бырыһыаҥҥа диэри улаатара күүтүллэр.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата.

Хаартыска: тустаах пресс-сулууспа сайтыттан

Женни Стрюкова бэлэмнээтэ

+1
0
+1
0
+1
0
+1
0
+1
0
+1
0
+1
0