Өлүөнэ өрүскэ 65 суудуна үлэлиир

Бөлөххө киир:

«Өлүөнэтээҕи холбоһуктаах пароходство» АУо пресс-сулууспата иһитиннэрбитинэн, алтынньы 25 күнүнээҕи туругунан,  1471,8 тыһ. туонна таһаҕас, 440 тыһ. туонна ньиэп бородууктата  аадырыстарыгар тиэрдиллибит.

Билигин Өлүөнэ өрүскэ 65 суудуна үлэлии  сылдьар, былырыын баччаларга  19 суудуна устара. Бу күннэргэ сааскылыы эмискэ ириэрии  буолан, суудуналар Осетроваттан Сангаарга диэри үлэлииллэригэр сөптөөх усулуобуйаны оҥордо.  Өлүөнэ үөһэ уонна орто тардыыларыгар уу таһыма түһэр эрээри, Осетроваттан Дьокуускайга диэри өрүс ыраас, ол аата кыдьымах киирэ илик.

Бүгүн, алтынньы 26 күнүгэр, Сангаартан бүтэһик суудуналар уһуннулар, кинилэри  «Капитан Бородкин» ледокол арыаллаан, Жатай  туһаайыытын диэки кууруһу туттулар. «Капитан Бабичев» ледокол  Алдан өрүскэ  дьуһуурунайдыыр.

+1
0
+1
0
+1
0
+1
0
+1
0
+1
0
+1
0