«Өлүөнэ очуостара» паарка 2022 сыллааҕы кыһыҥҥы сезону аһарга бэлэмнэнэр. Бу туһунан паарка инстаграмҥа баар официальнай страницатыгар суруйдулар.
Кэлэр субуотаҕа, олунньу 19 күнүгэр, кыһыҥҥы сезону аһыы үөрүүлээх сиэрэ-туома ыытыллара былааннанар. Билигин паарка судаарыстыбаннай иниспиэктэрдэрэ очуостарга тахсыы ыллыгын ыраастаан бэлэмнээтилэр. Муус оҥоһуктары оҥоруу үлэтин саҕалаатылар. Маны таһынан Батамай — Лабыдьа хайысхатынан кыһыҥҥы суолу оҥоруохтаахтар.
“Өлүөнэ очуостара” пааркаҕа сыллата 20 тыһыынча кэриҥэ киһи Арассыыйа араас муннуктарыттан эрэ буолбакка, тас дойдулартан тиийэ кэлэн сынньанан, сөҕө-махтайа көрөн-истэн бараллар. 2019 сыллаахха пааркаҕа 21 тыһыынча киһи кэлэн барбытыттан, 3,8 тыһыынчата омук туристара.
edersaas.ru
Хаартыска: https://www.instagram.com/lenapillars.national.park/
+1
+1
+1
+1
+1
+1
+1